Сауда және интеграция министрі Арман Шаққалиев Wildberries компаниясынан қосымша қойма орындарын бөлу туралы ресми өтініш түспегенін мәлімдеді. Ондай өтініш түссе, қалыпты жағдайда қаралады, деп жазады Ozgeris.info.
«Қазіргі уақытта маркетплейс ел аумағында шамамен 46 мың шаршы метрлік қойма аумағын жалға алып отыр. Соған қарамастан, ірі логистикалық орталықтар салу жоспары өзгеріссіз қалады. 2027 жылдың алғашқы тоқсанында компания жалпы ауданы 260 мың шаршы метрді құрайтын жаңа кешендерді іске қосуды көздеп отыр», - деді Шаққалиев.
Бұл алдын ала белгілі болған Астанада 160 мың шаршы метр, Алматыда 100 мың шаршы метр қоймаларды ашу жоспарланып отыр.
Бұл құрылыс жұмыстары бірнеше жыл бұрын белгілі болған.
Министрдің айтуынша, компанияның жаңа алаңдарды іздестіруі туралы ақпарат ашық дереккөздерде бар. Дегенмен, бұл коммерциялық келісім болғандықтан, мемлекеттік органдардың мақұлдауын талап етпейді.
Еске салсақ, Ресей өңірлеріндегі маркетплейс қоймаларына дрондар толассыз шабуылдап жатыр.
